Embárcate co CIM – Edición empresas e entidades colaboradoras

Construíndo xuntos a economía azul!

O Centro de Investigación Mariña da Universidade de Vigo (CIM) organiza a xornada “Embárcate co CIM – Edición empresas e entidades colaboradoras”. Este encontro é unha plataforma para explorar vías de colaboración futura, onde poidamos discutir e planificar conxuntamente como abordar os desafíos que enfronta tanto a economía como a sociedade galega.

Quen?

O CIM é un centro interdisciplinario recoñecido a nivel nacional e internacional como líder en innovación, transferencia e divulgación no ámbito mariño. A nosa destacada posición nos sistemas de innovación internacional e o noso papel estratéxico na investigación mariña en Galicia convértenos nun socio ideal para abordar os desafíos actuais relacionados coa conservación e o uso sostible dos océanos. Na Estación de Ciencias Mariñas de Toralla (Ecimat), o Centro dispón de instalacións de vangarda a pé de mar e servizos científico-técnicos especializados dos que pode facer uso calquera entidade pública ou privada interesada na investigación mariña.

Asistirán os investigadores/as principais do centro que lideran as súas disciplinas e que están a traballar en investigacións de vangarda respondendo aos retos da sociedade.

Para quen?

• Empresas do sector mariño galego
• Asociacións ou organizacións vinculadas co sector mariño e socioeconómico galego
• Empresas do sector enerxético, biotecnolóxico e ambiental
• Federacións e agrupacións sectoriais vinculadas co mar
• Fundacións e entidades con inquedanzas medioambientais ou sociais
• Administración pública local
• Mecenas e inversores

Para que?

A colaboración co CIM pode ofrecer novas oportunidades a entidades públicas, privadas, e mesmo a persoas comprometidas co futuro dos océanos e a sostibilidade. Da man do CIM, Centro recoñecido internacionalmente pola súa capacidade en innovación e transferencia de coñecemento, as organizacións poderán participar e beneficiarse das investigacións de vangarda que están a definir o futuro do uso sostible dos recursos mariños.

Esta colaboración pode materializarse en:

• Acceso e promoción da investigación de vangarda: as empresas e organizacións poden promover novas liñas de investigación conxuntas co noso persoal investigador relacionadas cos últimos avances no campo da economía azul, obtendo acceso a novas tecnoloxías e procesos que incrementen a súa competitividade e eficiencia.
• Desenvolvemento de solucións innovadoras e sostibles: ao traballar en colaboración co CIM, as entidades poden participar activamente no desenvolvemento de solucións innovadoras para os desafíos que enfronta a industria mariña, o que inclúe a xestión sustentable dos recursos mariños, a adaptación ao cambio climático e a redución do impacto ambiental.
• Fortalecemento da responsabilidade social e ambiental: as organizacións que colaboran co CIM demostran un compromiso firme coa sostibilidade e a conservación dos océanos, o que pode potenciar a súa imaxe pública e aliñarse máis estreitamente coas expectativas dos consumidores e reguladores respecto á responsabilidade corporativa.
• Apoio na obtención de financiamento e subvencións: podemos establecer acordos e colaboracións a través dos que acceder a financiamento e subvencións dispoñibles para proxectos de investigación, desenvolvemento e transferencia, o que é crucial para aumentar a competitividade e o crecemento empresarial.
• Oportunidades de networking: participar en eventos organizados polo CIM, permite ás entidades involucradas establecer contactos con líderes en diversas áreas de investigación mariña, facilitando oportunidades de colaboración e asociación estratéxica.
• Formación e educación: o CIM ofrece acceso a programas de formación e desenvolvemento profesional que poden beneficiar ao persoal das entidades colaboradoras, asegurando que estean ao tanto das últimas tendencias no seu campo.
• Mecenado e patrocinio: apoiar ao CIM non só fomenta avances significativos na investigación e conservación mariña, senón que tamén potencia o compromiso corporativo co desenvolvemento sostible, ofertando visibilidade estratéxica, acceso a innovacións científicas e oportunidades para influír en proxectos que modelan o futuro dos nosos océanos e comunidades costeiras. Este mecenado subliña un investimento directo na saúde ambiental global e na responsabilidade social, establecendo alianzas no ámbito científico e tecnolóxico mariño.

Máis información: comunicacion.cim@uvigo.gal