XORNADA DE PORTAS ABERTAS – venres, 15 de novembro de 2019
O centro de investigación en Tecnoloxías de Telecomunicación, atlanTTic, abrirá as súas portas ao público o vindeiro venres 15 de novembro entre as 16:00 e as 19:30 horas.
O persoal dos grupos que conforman o centro de investigación explicarán o que facemos, como o facemos e onde o facemos. Falaremos dos proxectos nos que traballamos, amosaremos os nosos laboratorios, os equipos que usamos e ofreceremos talleres, experimentos e actividades.
Será un xeito diferente de pasar unha boa tarde, coñecendo máis en detalle a tecnoloxía, a infraestrutura da que dispomos e, como non, a todos os que aquí traballan.
Todo isto de forma gratuíta e para toda a familia.
