Preguntas frecuentes

← Volver ao inicio

Preguntas frecuentes

Aquí tes as respostas ás dúbidas máis habituais sobre as inscricións nas Xornadas de Portas Abertas do CIM 2026.

A inscrición é individual. Cada persoa que vaia participar ten que cubrir o seu propio formulario, tamén as nenas e os nenos.

As persoas menores de idade teñen que ir sempre acompañadas dunha persoa adulta, que tamén ten que estar inscrita na mesma actividade e quenda.

Teño que facer unha inscrición por cada persoa?

Si. Cada participante necesita a súa inscrición. Se vides en familia, cubride un formulario por cada membro, adultos e menores.

Se inscribo á miña filla ou ao meu fillo, eu xa quedo inscrito?

Non. A inscrición dunha persoa non inclúe a ninguén máis. A persoa menor e a persoa adulta que a acompaña teñen que facer cada unha a súa inscrición, na mesma actividade e quenda.

Poden participar menores sen unha persoa adulta?

Non. As persoas menores de idade teñen que ir sempre acompañadas dunha persoa adulta inscrita.

Cando no formulario se indica unha idade inferior a 18 anos, aparece un campo para escribir o nome e apelidos da persoa adulta acompañante.

Como sei que a inscrición quedou feita?

Ao enviar o formulario aparece na pantalla unha mensaxe de confirmación e recibirás un correo electrónico cos teus datos. Se non o atopas, revisa a carpeta de correo non desexado (spam).

Se ves a mensaxe de confirmación na pantalla, a inscrición está feita, aínda que o correo tarde en chegar.

Equivoqueime nalgún dato. Que fago?

Escribe a info@cienciasingular.gal indicando o teu nome, a actividade e os datos correctos.

Non podo ir. Como cancelo a inscrición?

Avísanos en info@cienciasingular.gal para que poidamos ofrecer a túa praza a outra persoa.

O formulario di que non quedan prazas. Hai lista de agarda?

Si. Cando as prazas dunha actividade estean cubertas, habilitarase un formulario para apuntarse á lista de agarda.

As actividades teñen custo?

Todas son gratuítas agás a excursión ás illas Cíes, que custa 8 € por persoa. Ese pago faise con tarxeta no propio formulario, ao enviar a inscrición.

Se non podo ir ou se a saída ás Cíes se aplaza ou se cancela, devólvese o importe?

Se a saída se aplaza ou se cancela por calquera motivo, devolvémosche o importe íntegro. Chegado o caso, indicaremos como solicitar a devolución.

Non se fan devolucións cando a persoa inscrita non pode asistir por causas alleas á actividade.

As prazas son nominativas: non se poden cambiar nin ceder a outra persoa.

Hai que inscribirse na feira do Centro comercial A Laxe?

Non. Coñece o CIM na rúa é de acceso libre, sen inscrición previa.

Onde son as actividades e a que hora hai que chegar?

En cada actividade tes o lugar exacto, cunha ligazón a Google Maps, e o horario de cada quenda. Recomendámosche chegar uns minutos antes da hora indicada.

Para Embárcate en campaña hai que estar no punto de encontro 15 minutos antes da saída do barco.

E se chove o día da saída en barco?

Uns días antes, cando haxa unha previsión meteorolóxica fiable, se o prognóstico dá chuvia, a dirección do centro, o equipo técnico e o persoal de navegación avaliarán a situación e tomarán unha decisión, que se comunicará ás persoas inscritas.

Por que teño que aceptar o consentimento de uso de imaxe?

Durante as actividades tomaranse fotografías e vídeos que se poden publicar nas webs da Universidade de Vigo e nas súas redes sociais. Aceptalo é necesario para completar a inscrición.

Tes outra dúbida?

Teléfono: +34 619 38 83 68

Horario de atención: de 8:00 a 16:00

Correo electrónico: info@cienciasingular.gal

Logo Decenio
Logo Puerto de Vigo
Logo Parque Nacional Illas Atlánticas
Logo CIM
Logo Campus do Mar
Logo GUS
Logo UE
Logo Fondos Europeos